Мерапрыемства, якое прайшло ў аддзяленні дзённага знаходжання для грамадзян пажылога ўзросту ў рамках праекта "Кожная пятніца – роднае, сваё!" – выдатная практычная рэалізацыя гэтай ідэі. Беларуская песня – жывы рэсурс для ўсіх пакаленняў, здольны аб'ядноўваць, лячыць і натхняць. Спевы паляпшаюць псіхаэмацыйны стан, трэніруюць памяць і дыханне, даюць адчуванне радасці і прыналежнасці да супольнасці. Песні захоўваюць у сабе душу народа, яго характар («пачуццё меры», лірызм, стойкасць). Праз іх і стары, і малы адчуваюць сувязь з Беларуссю, яе прыродай і гісторыяй.